Nepalgunj british school

नेपालगञ्जस्थित बृटिश इङ्लिस बोर्डिङ स्कुलले बैशाख २५ गते कक्षा १० का विद्यार्थीहरूलाई एक अविस्मरणीय सांस्कृतिक कार्यक्रममार्फत बिदाई गरेको छ। बाइपासस्थित माउरी होटलमा आयोजित कार्यक्रममा कक्षा ९ का विद्यार्थीहरूले गीत, नृत्य र मनछुने प्रस्तुतिमार्फत आफ्ना अग्रजहरूलाई आत्मीयता र सम्मानका साथ बिदाई गरे। विद्यार्थी जयन्द्र शाही र दक्षिणा शाहीले विद्यालयको सिकाइ र अनुशासनले आफूहरूलाई जीवनका लागि तयार पारेको उल्लेख गर्दै धन्यवाद ज्ञापन गरे। प्रधानाध्यापक हेमन्त राज काफ्लेले बिदाईलाई नयाँ सुरुवातको रूपमा लिन आग्रह गर्दै मेहनत र लगनशीलतामार्फत भविष्य उज्यालो हुने बताए। अध्यक्ष निरज शाहले यो कार्यक्रम केवल बिदाई नभई जीवनको अर्को अध्याय सुरु गर्ने अवसर भएको बताए। कार्यक्रममा भावनात्मक अभिव्यक्तिदेखि रमाइला प्रस्तुति…